Español
English
Igor Revilla Enpresen Administrazio eta Zuzendaritzan lizentziatua da Deustuko Unibertsitate Komertzialetik (Bilbo, 2001). Lehiakortasunari (2009) eta energiari (2011-2012) buruzko gradu ondoko prestakuntza izan du, eta hainbat ikastaro eta konferentziatan parte hartu du erakundeen kudeaketa, enpresa-estrategia eta politika publikoen alorretan.
Igorrek estrategia eta kudeaketari buruzko aholkularitzaren sektorean garatu du bere karrera profesional osoa. 2001eko uztailean Arthur Andersenen (gero BearingPoint) estrategia-taldean sartu zen, aholkulari gisa, eta 2006ko martxoaz geroztik B+I Strategyren taldean parte hartzen du.
Bere ibilbide profesionalean, askotariko ekimenetan parte hartu du: hausnarketa, plangintza eta ezarpen estrategikoko prozesuak, bideragarritasun-azterketak eta negozio-planak, erakunde-eraldaketa, Baloreen Merkatuarekin lotutako operazioei buruzko euskarri-txostenak, politika publikoen definizio eta jarraipena, eta askotariko proiektuei buruzko bideragarritasun-azterketak. Hainbat sektorerentzat lan egin du: ekipo-ondasunen eta osagai industrialen fabrikazioa, trenbide-industria, energia berriztagarriak, sare elektrikoak, eraikuntza-materialen banaketa, osasuna, gizarte-zerbitzuak, eta politika publikoen zenbait arlo (Administrazioaren modernizazioa, informazioaren gizartea, ekintzailetza, politika kulturala, hirigintza, eta abar). Azken urteotan, Igorrek zenbait proiektutan parte hartu du eremu berritzaileetan, hala nola fabrikazio aditiboa, offshore eolikoa, gauzen Internet edo eOsasuna.
Igorren bezeroen artean, askotariko neurri eta izaerako erakundeak daude: CAF, Guascor Taldea (Dresser-Rand, Siemens Taldekoa) Ence, Arteche, Fagor Arrasate, Indar Electric (Ingeteam Taldea), Orkli, Grupo Alcor, Agro Sevilla, Lostal, Eiken, Fevas, Energiaren Euskal Erakundea, Eusko Jaurlaritza, Bizkaiko Foru Aldundia eta Bilboko Udala.
2014an, Igorrek zuzendu zuen B+I Strategyren enpresa industrialetako zerbitzuen eskaintza garatzeari buruzko ikerketa-proiektua. Gainera, txostengile gisa parte hartu ohi du unibertsitate eta enpresetan, estrategia, berrikuntza eta lehiakortasunari buruzko prestakuntza-ekintzetan.